قدرتي .. قدرتي واشهد انج لو تبي شي تسوينه
نعم يابنت انا ماانكر قدرتي تخدعي عيني
واهني قلبج الزايف وشفت الصدق في عينه
واثار ان العيون اللي بكت لي جت تبكيني
رميتي سهمج الغادر بظهري وكيف ترميني ..
كأنه سهم في ظهري وجرح كل الذي فيني
ترى عند العرب منقود لو يقفي تصوبينه
وربي لو أنا مدري عطيتج صدري ترمين
خطيرة خطيرة والجذب يشهد لج ان كنتي تشهدينه ..
ياكيف تزخرفين الجذب لين الجذب يطويني
انا اذكر لما جيتني اي والله كنتي مسكينه بريئة
كنتي ماتدرين وش تبغين تعطيني ..
انا اذكر حتى لو بطلب قمر عادي تجيبينه
وش اللي صابج بلمحة بصر قمتي تخونيني
مع من مع أعز ربعي متى كنتي تحبينه
تخونيني مع من كان اقرب من يخاويني
ابعرف ليش ؟ ابعرف ليش ؟ ابعرف كيف ؟
ابعرف وش اللي تبغينه ؟
دخيلج كنتي في عقلج الى جيتي تخليني ..
تخليني بدل لا واحد افقد ..افقد اثنينه
عقب ماكنتي تحييني بهالسرعه ذبحتيني
ولاقصرت لاجل الغير في مكاني تحطينه
انا اعطيت اغلى مااملك لاجل ارخصت
وتعطيني الا وين الوفا والصدق اللي بالدوم تطرينه
وين الحب اللي كنتي به يوم تباهيني
انا مالي ومال الحب لعن الحب وسنينه
ماكنت انا براحه وش اللي خلى الحب يغريني
كأن الناس من طين وانتي صرتي من طين
ولما انتي عرفتيني ياليتج كنتي من طين
تعلمت الشعر لاجلج ..
تعلمت الشعر لاجلج غزل فاقت موازينه
وانا اللي واجبات المدرسه ماتخطه يديني
وانا اللي كبريائي في السما وهالشيء تدرينه
وان شفتج جيتي بزينج حلفت ارده بزيني
نسيت الكبرياء بس لاجل قلبج ياكبر بعيني
وكنت انا مثل اعمى على صوتج تمشيني
ليا كنتي تبي قلبي ترى في ايدج تلاقينه
وياكنتي تبيني تطرف عيونج تلاقيني
ابد ماكنت انا اعارض وراضي باللي ترضينه
توديني ترديني توطيني تعليني تقولي هكذا ابغي
اقول اللي تشوفينه تقولي ابغي تشقى بي
ادعي يمد بسنيني
واذا تخطى الخطا مسموح ولو حتى تعيدينه
ابد مااشوف غلطاتج كأن الحب معميني
يارب استغفر الله شويه بس واكفر بدينه
واقول من الخطا معصومه بس الله يهديني
ولولي البدر يتبسم احطج بيني وبينه
يبيني التفت وانا اشد ايديج بيديني
ولا اتفاخر بحبج ب مخلوق يازينه
وعبله لو درتها تقول عنتر بيخليني
واذا انه للعشق مجنون انا سيد مجانينه
ولاجاني العقل وياج ولابعدج بيجيني
عرفتج وانا توني في الهوا مدري بعناوينه
تعلمت العشق واثر العشق وينه وانا وين
كأني غصن توه ماقوى عوده تقصينه
لابالله تقصيني اشوف الا نزعتيني
على وساده كذب نايم وحلمي بالطمأنينه
حليلي ونيتي على قدي مستانس تحبيني
ولما حذروا هالقلب قلت لج لاتفشلينه
توها ماانتهت بج كلمتي رحتي فضحتيني
نعم جيتج وانا في عز همي ومادد يميني
وجيتج والهموم ديون والله مثقله ديني
نعم قلت لج ابي قلبي همومي ذي تنسينه
مو قلت ابغي تنسيني ما قلت لج ابغي تنسيني
رغم انه ربيع القلب حبج ع محبينه ورغم ان ..
ورغم ان ..اقولج مابي اتمنن .. تعرفيني
موضوع: قصيدة خطيرة 
الثلاثاء يونيو 24, 2008 3:03 pm
